A Denominación de Orixe recibiu dez galardóns, resultando ser a denominación máis premiada na categoría de viños brancos do certame, copando dez das 36 medallas outorgadas.
A resolución do concurso tivo lugar o 27 de setembro en Sevilla, coincidindo coa presentación e cata dos viños como actividade paralela ao certame, coa que a D.O. Ribeiro participou cunha 'tasting table' ao igual que outros 11 consellos reguladores.
Premios
Os premios obtidos foron os seguintes: Medalla de Ouro para Casal de Armán 2008, da adega Javier González Vázquez; Medallas de Prata para Antonio Montero 2008, do colleiteiro Antonio Montero Sobrino; Armán Barrica 2007, da adega Javier González Vázquez; Casanova 2008, de Pazo Casanova; Cuñas Davia 2008, de Adegas Valdavia; Eloi Lorenzo 2008, de Javier Monsalve Álvarez; Finca Teira 2008, de Manuel Formigo de la Fuente; Gomariz X 2008, de María Álvarez Serrano; Sanclodio 2008, de Produción Amidoño; e Terra do Castelo Selección 2008, da adega San Roque.
No hay comentarios:
Publicar un comentario